其實都唔算近期

呢一年自由時間多左,好多時都會到處睇人地寫既故事,成日都睇到好有感觸

覺得自己實在係浪費左好多好多既青春係某人同自己悲觀既情緒上面,錯過左好多好多野,雖然我仍然只係二十有四.....

就來到我生日,希望未來一年,可以找到一個同自己好岩key既人,另外同那位和我從小相交的好朋友可以一直維持,同自己既朋友們可以繼續友誼友固,同班豬朋狗友可以繼續一齊玩,可以找番自己以前係快餐店主動結識異性的勇氣,信心和厚面皮.....

哈哈,好似變左許生日願望咁

我真係好鍾意睇人地寫既野,其實都唔止故事,影評同劇評我都鍾意睇,例如劍心寫的日劇劇評,好有心機,自問不會花兩三個小時去打一篇劇評,所以更佩服會這樣做的blog友

我究竟寫緊乜......